خانه » خبر و دیدگاه » د طالبانوتاوتریخوالی خلک ناهیلې کړی دی

د طالبانوتاوتریخوالی خلک ناهیلې کړی دی

 

طالبانو له وروستیو جګړو او تاوتریخوالی سره د سولې په پروسه افغانان ناهیلی کړی او په دې پروسه یې باور ورځ تر بلې کمیږی.

طالبانو نه یوازې د تاوتریخوالی کمولو په برخه کې خپلې ژمنې نه دی عملی کړی، بلکې تاوتریخوالی یې زیات کړی، چې د حکومت، خلکو او نړیوالې ټولنې په نظر ملامته دی.

په دوحه کې د بین الافغانی خبرو د پیل سره سم په هېواد کې جګړه زیاته شوې، چې افغان ولس په دې برخه کې طالبان پړه بولی.

ټولو ته مالوم دی چې افغان حکومت د سولې د تامین په برخه کې ګڼ اقدامات کړی، خو برعکس طالبانو د تاوتریخوالی په زیاتولو سره دغه پروسه له ناهیلۍ سره مخ کړی.

طالبان پوهیږی چې په تاوتریخوالی سره هیڅ لاس ته نه شی راوړلی، تاسو به د هلمند او کندهار راپورونه لیدلی وی چې د طالبانو لسګونه قومندانان په دې جګړه کې وژل شوی او ټپیان شوی او بیرته یې سیمې پرېښې دی.

د طالبانو مجبوریت له تاوتریخوالی او جګړې دا دی چې که جګړه و نه کړی، بهرنی استخبارات هیڅ امکانات او پیسې نه ورکوی، نو له همدې کبله غواړی چې جګړه زیاته او له دې درکه پیسې پیدا کړی.

طالبانو دوه ورځې وړاندې د کندز دشت ارچی ولسوالۍ باندې برید وکړ، خو کله چې کمانډو ځواکونه ورسیدل، طالبان له ولسوالۍ شاتګ وکړ او د ۷۰ کسانو په مرګ ژوبله باندې د دشت ارچی له بازار ووتل.

د دې جګړه ګټه څه شوه، یواځې دا چې سلګونه کورنۍ بې ځایه شوې، زرګونه کورنۍ ناارامه شوې او پردی اولادونه د جګړې قربانی شول.

ګټه یې د طالبانو قومندانانو او مشرانو ته شوه، سیاسی مشران یې په دې جګړه امتیازات اخلی او جنګی قومندانان یې په دې جګړه پیسې اخلی.

د طالبانو جګړه قراردادی ده او هغه قومندان چې ډیره جګړه وکړی او ډیرې وینې توی کړی، همغه ته زیات امکانات ورکول کیږی.

پرته له  دې چې طالبان په جګړه کې افغانان ناارامه کوی او قربانی کوی، نور هیڅ نشته چې طالبان یې لاس ته راوړی.

طالب د افغانانو او افغانستان لپاره د سرطان دانه ګرځیدلې او تر څو چې دا دانه یا ښه نه شی او یا غوڅه نه شی، دا وینه تویدنه به دوام لری.

تاسو ولیدل چې افغان حکومت د سولې لپاره څه ډول اراده وښودله، زندانیان یې ازاد کړل، مذاکرات یې پیل کړل، طالبانو ته یې وخت ورکړ، خو بیا هم دا ډله د پاکستان فرمایشونه د مذاکراتو په میز باندې مطرح کوی او د شل کلن نظام او لاس ته راوړنو له منځه وړل غواړی، خو افغانان هیڅکله سوله په داسې درنه معامله نه کوی.

دیدگاهتان را ثبت کنید

آدرس ایمیل شما منتشر نخواهد شد

Copyright © Jawedan.com